بایرامینیز مبارک
یاشیل کوینگینی گیینیر مئشه
یاخاما قوش کیمی قونور بنووشه
بهار نه خوش گلیر، روحا داد وئریر
خیاله، دویغویا قول- قاناد وئریر
وارالسون شعریمیز، شاعرلریمیز!
هر گله، چیچکه تزه آد وئریر
چیخیر داغ دوشونه کورپه قوزولار
طرلانین سسینی عکس ائدیر سولار
سحر یوخوسوندان آییلدیر منی
سینه مه سیغمایان بویوک دویغولار
کونول دینج دورماییر، اویناییر ینه
ازلدن عاشقم حیات شعرینه
ایلک دفعه اوغلومون الیندن توتوب
چیخمیشام سحرین طرلان سیرینه
ئولومه جان وئرمه، اولسن بهاردا
کونول مقدسدیر، قالماسین داردا
بهارین عشقیله چیخیر یووادان
بالاسی دالیندا قاریشقالاردا
یاشیل کوینگینی گیینیر مئشه
یاخاما قوش کیمی قونور بنفشه
قوی مندن درس آلسین قوجا طبیعت
اودا کونلوم کیمی گولسون همیشه
بهار نه خوش گلیر، روحا داد وئریر
خیاله، دویغویه قول- قاناد وئریر
وارالسون شعریمیز، شاعرلریمیز!
هر گله، چیچکه تزه آد وئریر
صمد وورغون- 1937
هله چيچک لر آچاجاق ،