بعثت بایرامی موبارک اولسون

 

 

اقرا’باسم ربک الذی خلق

 

اقراء، اوخو سني و بوتون اينسانلاري يارادان پرورديگارين آدي ايله.

محمد (ص) آما اوخويوب يازماق بيلمه ديگي اوچون سوروشدو :

 اوخويوم؟!نئجه اوخويوم؟ اوخوماق بيلميرم .

سيرله دولو او گئجه ده درين بير يوخو مکه ني بوروموشدو.

آما گؤزله نيلمه دن سمالاردان ساچان بير نور محمدين گؤزلريني

 ايشيقلانديردي .بو نور وحي ملگي جبراييل ايدي.

جبراييل بير داها محمده دئدي : اي محمد!اوخو اوخو

دونياني يارادان تانري نين آدينا . اينساني دونموش قاندان

 يارادانين آدينا .اوخو کي پرورديگارين هاميدان گؤرکمليدير .

 او کي قلمله اؤيرتدي. و اينساناباجارماديغيني اؤيرتدي .

بوتون ووجودو سماوي هيجانلا دولموش محمد (ص)

 اوخوماغا باشلادي. او هيجانلي چاغلاردا مکه نين " امين "

 لقبي ايله مشهور اولان حضرت محمد، پئيغمبر (ص)

 سئچيلدي . بو مؤحتشم حاديثه دن سونرا محمد حرا

ماغاراسيندان چيخدي.اولدوزلار سايريشان او گئجه ده

محمد ائوينه گئديب دينجليک ايسته ييردي .

او بو بؤيوک سيرري حيات يولداشي خديجه يه دئمک ايسته ييردي .

 او ائوينه طرف يولا دوشدو . خديجه قاپيني آچاندا محمد (ص)-اين

 قارا نوفوزلو گؤزلري پارلاييردي . اونون نورلو سيماسي داها دا

جاذيبه داراولموشدو آخی او

 آللاه طرفیندن پئیغمبر لیگه سئچیلمیشدی