آیلار دولانیب
ایللرده کئچدی
و سن ...
منیم چون دونیایا گلدین
من ساندیم دونیا منیم دی
و سن بیر دوداق گولومسه دین
فصیللر دورمادان اؤتوشوب کئچدی
آنلادیم منیمسن آرتیق
و سن بیر دوداق گولومسه دین
کئچدی فصیللر
اؤتدوده ایللر
بیر منده خیاللار قالیب
بیرده سنده گولوشلر
ایندی ده هر آن دوشسن یادیما
او شیرین گولوشلر یاندیرار منی ...
و دونیام بیر کیچیک کؤرپه کیمی
سنین قوجاغیندا آغلایار مودام ...
هادی !
آت اللریندن کؤرپه لیییمی
بوراخ فصیللره دونه نیمیزی
دیرت ، داغیت
لاپ بوغدا بو گولوشلری ...
من سنی بیر دوداق
گولوشه سئودیم ...
شعر:بابک قوجا اوغلو
********************************
و
آشاغیداکی گوزه ل دئیشمه نین آردی سئوگی دونیاسی وبلاگیندا
ییغیب اوره ییمین بوتون سؤزلرین
سنین حضورونا گلمک ایسته رم
اؤتن حیاتیوین دردین ـ کدرین
اؤزومله پایلاشیب ، بؤلمک ایسته رم
********
سن گلن یوللارین بوتون توزلارین
کیپریک له سوپوروب سولارام هر آن
بوتون حسرتلرین باغرینی سوکوب
سئوینج پایلارینا دولارام هر آن
هله چيچک لر آچاجاق ،